Finalizohet me sukses operacioni antidrogë i koduar “FRONTERA”.
Kapen duke transportuar lëndë narkotike, arrestohen 2 shtetas.
Sekuestrohen 5 Kg lëndë narkotike Cannabis Sativa.
Specialistët e Sektorit kundër Narkotikëve në Drejtorinë Vendore të Policisë Fier, finalizuan opercionin antidrogë të koduar “Frontera”, si rezultat i të cilit u arrestuan shtetasit:
-Bledar Hodo, 38 vjeç, banues në Lagjen e Re, Patos.
-Jurentina Xhafa, 23 vjeçe, banuese në lagjen “29 Marsi” Patos.
Këta shtetas në bashkëpunim me njëri-tjetrin kanë konsumuar elementet e veprës penale të “Prodhimit dhe shitjes së lëndëve narkotike” pasi në vendin e quajtur “Strum”, Fier, në automjetin tip Foristrad Frontera me Targa AA 622 MN, i’u gjetë një sasi prej 5 kg lëndë narkotike e dyshuar Cannabis Sativa.
