Ditën e shtunë opozita pritet të organizojë një protestë përmes së cilës do të kërkojë largimin e qeverisë. Edhe pse organizatorët kanë shprehur garanci se nuk do ketë akte dhune, ambasada e SHBA ka dhënë një njoftim për qytetarët amerikanë.
Përmes një emaili drejtuar shtetasve amerikanë në vendin tonë, selia diplomatike e Shteteve të Bashkuara u bën thirrje të shmangin vendet ku nesër opozita do organizojë protestën e saj.
Në njoftimin e ambasadës amerikane u kërkohet shtetasve amerikanë që jetojnë dhe punojnë në Shqipëri të shmangin qëndrimin përpara Kryeministrisë, sheshit “Skënderbej” dhe sheshit “Nënë Tereza”.
Gjithashtu, ambasada amerikane kërkon nga shtetasit e saj që të mbajnë një profil të ulët gjatë tubimit ditën e shtunë. /a.m.
