Duke filluar nga dita e shtunë, Belgjika do të mbyllet për të parandaluar valën e tretë të pandemisë së Covid-19.
Autoritetet belge kanë vendosur që për 4 javë të mbyllin shkollat, dyqanet jo ushqimore dhe qendrat estetike.
Kryeministri i vendit, Alexander De Croo tha në një konferencë shtypi se varianti britanik i virusit është aktiv në Britani dhe ka shkaktuar dyfishim të numrit të të infektuarve. Belgjika është një nga 19 vendet e Bashkimit Europian që kanë pësuar rritje të infeksioneve.
“Po përballemi me një valë të tretë. Ne do ta kalojmë, siç bëmë me të mëparshmet. Ishte një vendim i vështirë për t’u marrë, por nëse nuk do ta bënim pasojat do të ishin serioze”, tha Kryeministri De Croo.
Shkollat në vend do të mbyllen që nga dita e hënë dhe do ta hapen përsëri më 19 Prill. Grumbullimet e njerëzve do të reduktohen, nga 10 që është aktualisht në 4 persona. Megjithatë, qytetarët do të lejohen që të udhëtojnë nëpër qytete.
Situata duket të jetë shqetësuese në Bruksel. Më shumë se 22 mijë persona të infektuar me Covid-19 kanë humbur jetën në Belgjikë.
/a.r
