Të paktën pesë superjahte në pronësi të miliarderëve rusë u ankoruan ose u gjurmuan të lundronin në Maldive të mërkurën, një vend ishullor në Oqeanin Indian që nuk ka një traktat ekstradimi me Shtetet e Bashkuara të Amerikës.
Lokalizimi i jahteve ruse u bë nga të dhënat e gjurmimit të anijeve.
Mbërritja e anijeve në arqipelagun pranë brigjeve të Sri Lankës, vjen fill pas vendosjes së sanksioneve të ashpra perëndimore ndaj Rusisë, që erdhi si hakmarrje për pushtimin e Ukrainës më 24 shkurt.
Të mërkurën, Forbes raportoi se Gjermania kishte sekuestruar mega jahtin e miliarderit rus Alisher Usmanov në një kantier detar në Hamburg.
Usmanov ishte në listën e miliarderëve që do të përballeshin me sanksionet e vendosura nga Bashkimi Evropian të hënën.
Raporti i Forbes, i bazuar në tre burime nga industrinë e jahteve, tha se mjeti lundrues i Usmanov kap një vlerë prej 600 milionë dollarë.
Më parë, superjahti Clio, në pronësi të Oleg Deripaska, themeluesit të gjigantit të aluminit Rusal, i cili u sanksionua nga Shtetet e Bashkuara në 2018, u ankorua në kryeqytetin E Maldiveve, Male, të mërkurën, sipas bazës së të dhënave të transportit MarineTraffic.
“Titan”, në pronësi të Alexander Abramov, një bashkëthemelues i prodhuesit të çelikut Evraz, mbërriti aty më 28 shkurt.
Tre jahte të tjera në pronësi të miliarderëve të tjerë rusë u panë duke lundruar në ujërat e Maldiveve të mërkurën. Ato përfshijnë dhe jahtin “Nirvana” 88 metra, në pronësi të njeriut më të pasur të Rusisë, Vladimir Potanin.
Shumica e anijeve u panë të ankoruara për herë të fundit në portet e Lindjes së Mesme në fillim të vitit, por që u zhvendosën prej aty drejt Maldiveve.
g.kosovari
