Një rebelim i të burgosurve në kryeqytetin e Sierra Leones ka marrë jetën e të paktën shtatë personave dhe ka plagosur disa të tjerë.
Të burgosurit u përpoqën të arratiseshin duke thënë se disa të tjerë ishin infektuar me koronavirus, raporton noa.al duke cituar agjensinë afrikane ANN.
Incidenti ndodhi të mërkurën në burgun Pademba, ku humbën jetën 5 të burgosur dhe 2 roje.
Sipas policisë, burgut që mbante 2 mijë të dënuar iu vu zjarri nga disa të bugosur.
Mediat e tjera thonë se të burgosurit ishin të frikësuar se mund të infektoheshin nga të dënuarit e tjerë, që shfaqën shenja të sëmundjes Covid-19.
Deri tani, Sierra Leone ka konfirmuar 104 të infektuar me koronavirus dhe 4 jetë të humbura.
/a.r
