“Fresku” vazhdon/ Gazetari pranë PD i tregon Yuri Kim të mirat që Berisha i ka bërë Shqipërisë: Bravo Sali, më doli nga zemra

Pas shpalljes “non grata” nga Shtetet e Bashkuara, Sali Berisha ka aktivizuar në mbrojtje të tij çdo bashkëpunëtor.

Pas Adi Krastës, edhe gazetari Agim Xhafka është hedhur në sulm të ambasadores amerikanë Yuri Kim ku i tregon edhe të mirat që Sali Berisha sipas tij i ka bërë këtij populli gjatë 30 viteve të angazhimit të tij në politikë, duke vijuar ti bejne “fresk” ish kryeministrit demokrat te cilit Amerika ia ka hequr “vizen”.

Ndër të tjera ai shkruan:

U bëra si Rama apo si Kimetja? Nuk më hiqet nga goja Sali Berisha. Erdha para një muaji nga Ohri dhe në kufi mjaftoi veç karta e identitetit. Kaq, rruga e mbarë më tha maqedonasi. Bravo, Sali që na e mundësove, thashë.

Para dy javësh shkova në Selanik, sa tregova pasaportën në Kapshticë më tha polici grek, go, Gimo, go!

Eh, Sali na kënaqe me heqjen e vizave, fola.

Të hënën që shkoi e mata kot kohën nga Elbasani deri në Tiranë. Plot 18 minuta, më afër se sa Kombinat-Kinostudio.

Bravo Sali, më doli nga zemra. Kështu dhe kur shkoj në Vlorë, në Tepelenë…Apo kur mbérrij në Prishtinë e uroj Saliun familjarisht.

Po u ngjaj si Edi Rama? Apo si ajo madama amerikane?.

Edhe mua nuk më shqitet që nuk më shqitet Saliu nga goja.

Mbeta duke e përmendur e përmendur emrin e tij.

Ej, mos jam bëra rilindas dhe nuk e kuptokam!!!

Ma thoni!

/m.j