Në raportin e fundit të Freedom House “Nations in Transit”, Shqipëria nuk ka pësuar asnjë ndryshim në pikë, krahasuar me një vit më parë, në 7 kriteret ku e bazon vlerësimin e saj kjo organizatë.
Kjo do të thotë se vendi ynë nuk ka pësuar përkeqësim në fushat që merren në analizë, nga qeverisja demokratike, te shoqëria civile, sistemi gjyqësor apo pavarësia e shtypit.
Kështu, tabela krahasimore tregon se teksa përqindja e demokracisë në Shqipëri shënon 46 %, pas saj mbetet këtë vit, Bosnje Hercegovina me 38 %. Në Bosnje, ka një përkeqësimin dhe për pasojë rënie në pikë, situata me demokracinë në qeverisjen kombëtare dhe situatën e shoqërisë civile.
Në kohën kur Shqipëria nuk shënon përkeqësim të situatës për asnjë komponent, Serbia, krahasuar me një vit më parë, ka një përkeqësim të ndjeshëm sa i takon situatës me korrupsionin në vend, pavarësisë së medias dhe rolit të shoqërisë civile.
Ndërsa Mali i Zi për këtë vit ka shënuar rënie të theksuar në kriterin për pavarësinë e gjyqësorit.
/a.r
