François Fillon është kandidati i republikanëve në zgjedhjet Presidenciale që do të zhvillohen vitin tjetër në Francë.
Fillon arriti që të fitonte përballë rivalit Alain Juppe, i cili në fund të procesit e pranoi humbjen.
Ish- kryeministri i fitoi primaret brenda partisë me 67% të votave, ndërsa para mbështetësve të tij deklaroi se rezultati është një fitore, që shkatërroi të gjithë skenarët.
“Kjo është një fitore që mbështetet në bindje, e ndjeva këtë dallgë që i shkatërroi të gjithë skenarët e përgatitur.
Franca nuk mund të pranojë rënien e saj. Kjo është e vërteta dhe dëshiron veprim”.
Ish- kryeministri Fillon mund të përballet me një kandidat socialist dhe Marine Le Pen të ekstremit të djathtë në garën për President të Francës.
shqiptarja.com/d.i.
