Një vajzë 16 vjeçare e cila nuk ka një të kaluar kriminale, u arrestua në shtëpinë e saj në afërsi të Parisit pasi planifikoi një sulm terrorist duke përdorur aplikacionin e mesazheve “Telegram”.
Ajo ishte pjesë e një grupi të koduar, prandaj është akuzuar pasi ka bërë thirrje për sulm xhihadist, transmeton lajmi.net.
Ky aplikacion, gjithashtu ka qenë i përdorur nga dy personat që kanë vrarë priftin në një kishë në Normandi muajin e kaluar.
Hetuesit vunë re se në grup ishin përfshirë një duzinë anëtarësh, që po diskutonin në lidhje me propagandën e të ashtuquajturit Shteti Islamik, përfshirë këtu edhe thirrje për ndërmarrjen e sulmeve dhe gjithashtu video.
Ata zbuluan se kryesuesja e këtij grupi ishte 16 vjeçarja, nxënëse e një shkolle të mesme, e cila tani është në paraburgim. /a.m.
