Në edicionin e saj më të fundit, revista prestigjioze franceze e futbollit “France Football”, i ka kërkuar falje legjendës së Barcelonës, Andres Iniestas, se nuk ia ka ndarë asnjëherë Topin e Artë.
Redaktori Pascal Ferre e shkroi një editorial me titullin “Na fal Andres”, në të cilin ata kërkuan falje për “anomalinë demokratike”, transmeton Gazeta Express.
Editoriali e lartësoi punën dhe karrierën e magjistarit të futbollit spanjoll, si dhe ia ka lënë të hapur mundësinë për ta ngritur këtë çmim më 2018, nëse arrin të ketë një turne të mirë në Kupën e Botës në Rusi.
Ndër komplimentet që mori mesfushori spanjoll në këtë artikull – i cili këtë javë do ta bëjë publik vendimin për t’u transferuar në Kinë në fund të sezonit – janë edhe ato për inteligjencën e treguar në fushë. “Iniesta e ka dëshmuar se truri është përfundimisht gjëja më e rëndësishme kur bëhet fjalë për kampionët”, shkroi Ferre.
“Talenti i Iniestas është të shpikë për të tjerët. Pa të, Messi do të lodhej shumë më shpejt në Barcelonë. Altruizmi i tij e ka privuar atë nga fitimi i çmimeve individuale”. Në mesin se emrave më të mëdhenj që mungojnë në listën e Topit të Artë, i tij është që vret më së shumti”, shkroi ai. (b.an)
