Gjendja e jashtëzakonshme në Francë, e vendosur pas sulmeve terroriste të vitit të kaluar në Paris, me gjasë do të vazhdohet, i ka thënë BBC, kryeministri francez, Maunel Valls, transmeton Gazeta Express. Ai ka thënë se masat janë të nevojshme për të mbrojtur demokracinë.
Franca është duke shënuar vitin e parë që prej se militantët e të ashtuquajturit Shteti Islamik (ISIS), vranë 130 persona përmes sulmeve me bomba dhe gjuajtjeve me armë zjarri në Paris. Vetëm në teatrin Bataclan, i cili u sulmua nga tre persona, u vranë 90 vetë.
Shteti francez po ashtu u trondit edhe nga sulmi me kamion në Nice, ku u vranë 84 persona, transmeton Express.
Kryeministri francez Valls ka thënë se shpallja e gjendjes së jashtëzakonshme i jep fuqi shtesë policisë që të bëjë hetimepër njerëzit që mund të jenë të përfshirë në organizime të sulmeve terroriste.
Valls ka thënë se Franca duhet të jetë e sigurt, teksa shteti përgatitet për zgjedhje presidenciale dhe parlamentare që pritet të mbahen në pranverë, citohet “GazetaExpress”. (b.an)
