U nis nga Majemi anija e parë turistike amerikane me destinacion Kubën. Udhëtimi do të zgjasë 7 ditë dhe anija do të vizitojë qytete të ndryshme kubane. Në bord janë 704 udhëtarë midis të cilëve edhe disa të lindur në vendin ishullor.
Anija amerikane “Adonia” u nis të dielën nga Majemi drejt havanës me 704 pasagjerët në bord.
Bëhet fjalë për një udhëtim historik, i pari për një anije amerikane pas 50 vitesh. Një periudhë e gjatë kjo mosmarrëveshjesh dhe armiqësie midis dy vendeve. Gjithçka nisi të ndryshojë sa i takon përmirësimit të marrëdhënieve mes vendeve pas takimit të Barack Obamës me presidentin Raul Kastro në vitin 2014, dhe që kulmoi me vizitën e presidentit amerikan në Kubë. Në bordin e anijes turistike janë kryesisht persona të pasur por edhe shtetas me origjinë kubane. Ky udhëtim sipas analistëve, hap rrugën e një epoke të re shkëmbimesh, dhe përafron heqjen e embargos për Kubën.
Presionet dhe rreziku për dështimin e udhëtimit
Ditët e shkuara, qeveria e Raul Kastros ka kërcënuar se nuk do të lejojë lundrimin e anijes turistike drejt brigjeve kubane. Gjithçka lidhej me prezencën në bord të disa personave me origjinë nga vendi komunist, të cilët ishin arratisur nga vendi rreth 30 vite më parë. Pak kohë më parë, ai habiti botën me një ligj, që ndalonte hyrjen në Kubë të personave që ishin arratisur nga vendi komunist./Corriere/Javanews/a.m.
