Një ngjarje e rëndë ka ndodhur këtë të hënë në Sudanin e Jugut. Një avion me 44 pasagjerë në bord është rrëzuar. Nga raportimet e para u bë e ditur se nuk ka të mbijetuar nga aksidenti, por pas konfirmimeve të mëtejshme është bërë e ditur se kanë shpëtuar 14 vetë.
“Personat janë dërguar në spital dhe janë jashtë rrezikut për jetën”, është shprehur Ministri i Informacionit, Bona Gaudensio. Avioni i South Supreme Airline u rrëzua në aeroportin Wau, rreth orës 15:00 me orën lokale.
Në vendin e ngjarjes mbërritën forca të shumta zjarrfikëse, ndërsa në fotografitë e postuara në rrjete sociale mund të shihet avioni i përfshirë thuajse tërësisht nga flakët. Një punonjës i ndihmës së shpejtë tha për Reuters se nuk ka viktima. Aksidenti besohet të ketë ndodhur gjatë kohës së avioni po bënte uljen./a.ç
