Personi që shihni në foto është Arsen Muskurti, apo i njohur ndryshe me emrin Hamza Muskurti, i cili vrau me armë zjarri vëllanë dhe gruan e këtij të fundit.
Ngjarja ndodhi në afërsi të Rrugës së Kavajës. Muskurti, pas shumë konfliktesh për pronësinë e një agjencie turistike që më herët e menaxhonin sëbashku, shkoi deri aty sa qëlloi me armë zjarri ndaj familjarëve të tij. Në një status në Facebook, duket se autori e kishte paralajmëruar krimin e rëndë, ndërsa akuzonte të vëllanë për mashtrim me agjencinë.
Siç shihet dhe në postimet e tij në ‘Facebook’, autori i ngjarjes, ishte shumë i lidhur me fenë myslimane, ndërsa ishte aktiv duke postuar. Gazetari Igli Çelmeta raporton për se autori i krimit ka 7 fëmijë.
Aktualisht autori i vrasjes së dyfishtë fill pas krimit u arratis, ndërsa është i armatosur.
