Sërish tension në qiejat britanikë dhe protagonistë edhe këtë herë janë avionët e ushtrisë ruse.
Mësohet se gjatë mëngjesit të sotëm, dy avionë luftarakë rusë kanë fluturuar shumë pranë territorit britanik, por pa e shkelur atë. Aviacioni britanik ëhstë vënë në alarm dhe ka ngritur në fluturim avionë të tipit “Typhoon” për të shoqëruar ‘miqtë’ rusë që vinin nga Deti i Veriut.
Bëhet fjalë për dy avionë të tipit “Tupolev TU-160” që sipas raportimeve mund të bëjnë edhe gjuajtje me raketa bërthamore.
Gjithsesi avionët rusë që u shoqëruan gjatë gjithë kohës nga ata britanikë, nuk e shkelën hapësirën ajrore të këtij vendi, por kaluan shumë pranë raporton Daily Mail.
“Reagimi i avionëve tanë Typhoon ishte shumë i shpejtë”, tha një zyrtar i aviacionit në ushtrinë britanike./Java/a.m.
