Me rastin e 111-vjetorit të Pavarësisë, Teatri Kombëtar i Operas, Baletit dhe Ansamblit Popullor ka organizuar një surprizë të veçantë për të gjithë turistët dhe udhëtarët në Aeroportin Ndërkombëtar të Tiranës.
Mes melodisë klasike dhe këngëve popullore, të gjithë kanë festuar me flamujt shqiptarë në duar.
Edhe kryeministri Edi Rama ka ndarë në Facebook disa foto, duke njoftuar se festa po vijon me të gjitha moshat, nga më të rinjtë dhe deri më të mëdhenjtë, të cilët shihen shumë të gëzuar dhe plot emocione.
Gjithë hapësirat në Aeroportin Ndërkombëtar të Tiranës iu dedikuan promovimit të elementëve të etnografisë së vendit, duke treguar identitetin e pasur të trevave të Shqipërisë. Pasagjerët që udhëtuan gjatë kësaj dite, morën me vete energji pozitive si edhe dhurata simbolike. Me flamuj të kuq nëpër duar, të rritur e fëmijë, u bashkuan në këngë dhe valle./m.j
