Një i ri shkodran ka dorëzuar vetë në komisariatin e policisë një të plagosur… por nuk bëhet fjalë për një njeri.
I riu ka sjellë dorëzuar në polici një fajkua, të cilin e kishte gjetur në tokë dhe të plagosur në zonën e krahut. Qytetari nga zona e Kosmaçit ka sjellë në polici të “plagosurin”, ndërsa policia vetë ka kontaktuar me inspektoriatin e mjedisit shtetëror, i cili ka ofruan gadishmërinë për ta marrë, kuruar dhe për t’u kujdesur për shpendin.
Njoftimi
Më datë 27.01.2017, shërbimet e Drejtorisë Vendore të Policisë Shkodër, së bashku me një qytetar të zonës së Kosmaçit, sollën pranë ambjenteve të Policisë, një shpend të plagosur, i gjetur nga qytetari.
Menjëherë nga ana jonë u njoftua Inspektoriati i Mjedisit Shtetëror dhe Pyjeve në Qarkun Shkodër, të cilët ofruan gadishmërinë, për strehim dhe përkujdesje të shpendit në fjalë.
U kryhen procedurat përkatëse dhe u plotësua proçes-verbali për rastin konkret.
