Policia ka identifikuar personin që mbeti i vrarë në Fier gjatë tentativës për grabitje në një apartament.
Ai është 20-vjeçari Xhuljan Sollaku, banues në Katund i Ri, Elbasan. Bëhet fjalë për personin në foto i cili u vra gjatë shkëmbimit të zjarrit me policinë.
Ky i fundit ka hapur zjarr sapo ka parë afrimin e policisë. Uniformat blu u përgjigjën me zjarr duke e lënë të vdekur. Ndërkohë grabitësi tjetër Arben Muça mbeti i plagosur. Vëllai tjetër i Arbenit, Ardi dhe një tjetër grabitës u arratisën.
Sipas informacioneve, prindërit e viktimës jetojnë në Greqi. Babai i Xhuljanit rezulton me precedentë penalë për grabitje jashtë vendit.
Raportohet se Xhuljani ishte pronar i një lavazhi në Elbasan. Ai dyshohet se ka kryer disa grabitje më parë.
Njoftimi i policisë:
Në datën 23.03.2018, rreth orës 03:00, policia lokale u njoftua nga një telefonatë se në lagjen “29 Nëntori” Fier, pranë banesës së shtetasit M.M, disa persona kanë tentuar të hyjnë brenda shtepise duke thyer drynin e derës.
Pas marrjes së njoftimit mbërriten në vendngjarje shërbimet e policisë, të cilët janë përballur me disa persona të maskuar e të armatosur me pistoleta e automatikë, të cilët kanë qelluar me arme zjarri në drejtim të punonjësve të policisë.
Ne kushtet e reagimit propocional, nga shkembimi i zjarrit, njëri nga autorët është plagosur dhe nje tjeter ka gjetur vdekjen.
Të dy ata ishin të maskuar e të armatosur me pistoleta, të cilat u sekuestruan në cilësinë e provës materiale.
Autorët e tjerë, qe dyshohet se jane edhe dy, duke qëlluar në drejtim të punonjësve të policisë janë larguar duke përfituar nga errësira dhe kushtet e motit, me nje mjet ende të paidentifikuar.
Nga rradhet e Policise se Shtetit nuk ka te lenduar.
Menjëherë janë ngritur pika të shumta kontrolli në të gjitha hyrje-daljet e qytetit dhe po vijon puna për kapjen e autorëve të tjerë.
Në vendin e ngjarjes janë sekuestruar një numër i konsiderueshëm provash materiale.
Nen drejtimin e nje grupi te posacem te Prokurorise, i cili gjendet ne vendngjarje, po vazhdon puna për dokumentimin e plotë të kësaj ngjarje.
/a.m.
