Zëvendëskryeministri Peleshi i shoqëruar nga Kryetari i Bashkisë së Fierit ka parë nga afër projektet e Rilindjes Urbane në këtë Bashki. Rikonstruksioni i rruges “Mujo Ulqinaku” dhe rehabilitimi i fasadave të saj, rikonstruksioni i bulevardit “Jakov Xoxa”, rikualifikimi urban i rrugës “Muharrem Agolli” (Pedonales së qytetit), apo projekte të tjera në arsim, terrene sportive dhe gjelbërim, kanë transformuar rrënjësisht këtë Bashki në 3 vitet e fundit.
Peleshi u ndal në projektin e radhës që është duke u realizuar në një nga pikat qëndrore të qytetit e cila deri para pak muajsh, ishte një zonë e zaptuar nga ndërtimet pa leje dhe nga kaosi urban. Bëhet fjalë për parkun qëndror të qytetit dhe zgjatimin e tij në rrugën Xoxi Andoni.
Kjo ndërhyrje rikualifikon rreth 2.3 ha sipërfaqe urbane dhe synon të zgjojë zhvillimin ekonomik, mjedisor dhe kulturor të qyteit të Fierit. Pjesë e projektit është ndërtimi i një parku të madh urban, me gjelbërim të ulët, të mesëm dhe të lartë, unifikimin e fasadave dhe elementëvë të tjerë rekreative dhe kulturorë atje.
“Një zonë në qendër të qytetit, e pushtuar nga pislleku dhe ndërtimet kaotike, e kthyer në një qendër të frikshme, kthehet tani në mushkërinw e gjelbërt të qytetit, në pjesa më e bukur e qytetit të Fierit. Është simboli sesi përmes punës dhe prjektimit, arrijmë ti kthejmë fizionominë qytetare qyteteve tona. Fieri në një vit e gjysëm është transofrmuar totalisht, ka marrë tiparet e një qyteti që nxiton drejt standartit europian. Për këtë une dua tu falenderoj të gjithëve dhe tu siguroj se plani i qeverisë shqiptare nuk do të zvogëlohet por do të vazhdojë, madje tani duke u shtrire edhe në fshatra. Duke kthyer hapësirat e lira publike, në funksion të qytetarëve, për të ndërtuar këtu një jetë sociale, një jetë komunitare, e cila do ti japë fizionomi qytetit por edhe ekonomi lokale.” tha Peleshi. /ma.me
