Kryeministri Edi Rama ndau sot në rrjete sociale, pamje nga lagja “Rilindja”, në Spitallë të Durrësit, ku sipërmarrja prestigjioze e ndërtuesit të Portit të ri Turistik të Durrësit, Mohamed Alabbar, me financimin e Presidentit të Emirateve të Bashkuara, Sheikh Mohammed Bin Zayed, po përfundon 996 apartamentet që do të strehojnë familje të prekura nga tërmeti në zonën e bashkisë së Durrësit.
“Lagjja “Rilindja” në Spitallë drejt përfundimit me 996 apartamente”, shkroi Rama, teksa në foto shihen pallatet e reja të ndërtuara plotësisht bashkë me rrjetin kryesor të infrastrukturës, me rrugë të asfaltuara dhe me elementët e ndriçimit.
Zona e Spitallës në Durrës po transformohet rrënjësisht vitet e fundit, falë projekteve madhore të rikualifikimit urban, të cilat ofrojnë standarde moderne të infrastrukturës, dhe përmirësim të ndjeshëm të jetës së përditshme të banorëve./m.j
