Është momenti që çdo nënë e lodhur mezi e pret, pas javëve të tëra që është përpjekur të kënaqë në shtëpi fëmijët e mërzitur, gjatë pushimeve verore.
Por disa syresh i shprehin më tepër ndjenjat. Si kjo nënë me pesë fëmijë, për shembull, Keshia Leeann Gardner, nga Alabama, SHBA, e cila kërcen nga gëzimi para kameras teksa përcjell fëmijët për në shkollë.
Fotot janë bërë virale në internet.
“Gëzuar ditën e parë të shkollës, fëmijë. Do t’më marrë malli për të gjithë ju”, shkruan Keshia në diçiturën e fotos së postuar në Facebook javën e kaluar.
“Ju lutem më ndihmoni ta ndaj këtë me prindër të tjerë që kanë nevojë për një të qeshur të mirë”.
Fotot tregojnë nënën që kërcen nga gëzimi, sytë të qeshur, ndërsa fëmijët qëndrojnë pas saj, me ndjenja të ndryshme.
Një nga djemtë mbulon fytyrën me duar, ndërsa dy qëndrojnë me duar të kryqëzuara, duke buzëqeshur. Vajza e vetme përkulet duke qeshur te një foto dhe qëndron drejt te tjetra.
Fotot janë shpërndarë rreth 270 mijë herë.
Dhjetë mijë njerëz kanë komentuar, duke treguar edhe përvojën e tyre të ngjashme.
“Dita e parë e shkollës në shtëpinë tonë quhet Festa e Nënës”, shkruan njëra.
“Ke bërë atë që mendojnë të gjithë prindërit”, shton një tjetër.
Sigurisht, zonja Gardner nuk është e vetmja që feston kthimin e fëmijëve në shkollë.
Një tjetër nënë, e cila besohet të jetë nga Dublini, postoi një foto në Imgur në mars, e cila është parë më tepër se një milion herë.
Fotoja tregon dy vajza në shkollë 9-vjeçare, të mbështetura në një bordurë, me pamje dukshëm të bezdisura. Një motër më e vogël duket më pak e mërzitur, duke buzëqeshur paksa nga kamera. Njëri nga djemtë sheh nënën teksa “fluturon” në ajër, ndërsa tjetri buzëqesh me dhëmbët shtrënguar.
Daily Mail/d.i.
