Quhet “Kanuni” operacioni i madh policor i Policise italiane ne Popoli, e cila ka arrestuar 8 persona, shqiptare dhe kosovare, qe ishin drejtues dhe anetare te nje bande te rrezikshme qe trafikonte dhe shperndante droge ne Popoli, Avezzano dhe Sulmona. Operacioni anti-drogë i policisë ka shkatërruar organizatën e shqiptarëve dhe kosovarëve e cila thuhet se eshte tradhetuar nga përgjimet e kryera, ku nder te tjera, ata perdornin edhe kode ne komunikim per tu marre vesh si: “kafe e mirë” ose “një pako cigare apo një birrë”.
Hetimi ka zgjatur dy vjet, e ne kete periudhe ka pasur 27 të dyshuar. Nga dymbëdhjetë persona nën hetim, pesë janë derguar në paraburgim, 3 ne arrest shtëpiak dhe 4 me detyrim paraqitje. Policia ka konfiskuar përveç drogës edhe armë, pranga e sende te tjera. Hetimi filloi në vitin 2015 kur u be edhe arrestimi i një 43-vjeçari shqiptar, i cili, më pas përmes një monitorimi, ka çuar hetuesit të kuptojnë se ai ishte pjesë e një organizate të madhe që trafikonte drogë, e cila vinte nga Roma, Lombardia, Marche dhe krahina e Pescara, ndërsa organizimi i trafikut e kishte bazën në Pratola Peligna.
Droga, në bazë të përgjimeve, quhej kafe apo cigare. Organizata, bazuar në lidhjet familjare, ka vepruar me mençuri, pasi të dyshuarit nuk takoheshin me njëri-tjetrin për të mos tërhequr vëmendjen. Paratë e fituara nga trafiku, janë përdorur për të blerë drogë për mbështetjen e anëtarëve të tjerë të cilët ishin në vështirësi.
Sipas hetuesve, organizata ishte krijuar nga persona qe i perkisnin dy familjeve te ndryshme.Në burg: Festim Osmani (30), Mondi Ramilli (40), Gëzim Sulejmani (43), Hekuran Caca (24), Senad Meliqi (26). Në arrest shtëpie: Adelina Stefanesku (29), Ornela Osmani (24), Ardian Kurti (29). Detyrim paraqitje: Jurgen Gjergji, Ioana Lacramiora Zamfirou, Vincenzo Zimei, Leonard Peqini. /ma.me
