Disa përfaqësues të Shoqërisë Civile janë mbledhur mesditën e sotme te Parku Rinia, në kryeqytet, duke protestuar kundër taksës për Rrugën e Kombit. Siç duket dhe në foto e video, janë një numër i vogël qytetarësh. Protesta nisi te ‘Parku Rinia’, në kryeqytet, ku përfaqësuesit e Shoqërisë Civile do t’i drejtohet më pas Kryeministrisë. Sipas tyre, shkak për këtë protestë janë bërë arroganca, dhuna dhe koncesionet. Me parullat “Me arrestoni edhe mua”, “Ja ku e ke taksën për rrugën”, ata kërkojnë heqjen e tarifës dhe lirimin e 11 kuksianëve të cilët u arrestuan pas protestës së dhunshme që mbajtën më 31 mars tek “Rruga e Kombit”. Ndërkohë protestuesit vendosën edhe një tra tek kryeministria, me shënimin “Dalja falas”.
