Informacionet e marra nga policia e Pogradecit se në një shtëpi të pabanuar kishte drogë, ka bërë që të zbulohet lënda narkotike.
Më konkretisht është gjetur 28 kilogramë kanabis sativa në fshatin Vërdovë.
Gjatë ditës së djeshme, në bazë të një informacioni, nga policia është ushtruar kontroll në një banesë të amortizuar dhe të pabanueshme, ku janë gjetur tre thasë me kanabis.
Lënda narkotike u sekuestrua në cilësinë e provës materiale, ndërsa nga ana e policisë vijojnë hetimet për identifikimin dhe kapjen e autorëve./a.k
