Nënkryetari i Bashkisë së Tiranës, Arbian Mazniku shpjegoi procesin e rikonstruksionit të piramidës dhe funksionit që ajo do të ketë duke filluar nga shtatori.
Mazniku tha në ABC News se ideja i rivitalizimit të piramidës ka qenë që objekti të përdorej nga brenda dhe nga jashtë. “Ideja e rivitalizimit të piramidës ishte ky, që të kishim një objekt që të përdorej nga brenda, duke e kthyer atë në qendrën e trajnimit të teknologjisë kryesisht për fëmijët nga 12-18 vjeç.
Një qendër që quhet “Tumo” që funksionon në “Qemal Stefa” tanimë.
Synimi është që piramida të kaloj nga 1 mijë në 5 mijë të rinj. Po ashtu një pjesë tjetër e piramidës do të jenë në dispozicion të kompanive të teknologjisë dhe një pjesë tjetër do të jepet me qera, që pjesa e trajnimit të famijëve të subvencionohet nga vetë piramida.
Ideja ishte që të rivitalizonim edhe nga jashtë, duke u bërë ndër objektet më të rralla, që ka funksion nga brenda dhe jashtë.
Në strukturën e piramidës do të jetë një atraksion turistik dhe kështu ndryshe nga hapësirat e tjera, me rivitalizimin e saj kemi fituar dy hapësira” u shpreh fillimisht Mazniku.
Nënkryetari i bashkisë shtoi se lulishtja është më e jetueshme se më parë.
“Unë mendoj që lulishtja është shtuar dhe është bërë akoma edhe më e jetueshme. Janë shtuar pemët dhe shkurret.
Kushdo që vjen e sheh dhe e dallon shumë thjeshtë” theksoi ai.
Piramida pak javë bëri hapjen e saj të pjesshme, pasi në ambientet e brednshme të saj po punohet akoma dhe pritet që të jetë gati në shtator.
Por edhe pse është hapur pjesërisht dhe ajo me kohë të pjesshme, sipas Maznikut është kthyer shpejt në një ambient të preferuar për qytetarët.
“Jemi akoma në hapjen e butë të saj, pasi brenda po punohet akoma. Do marri kohë deri në shtator, kur do të hapet për fëmijët. Pjesa jashtë ka filluar të funksionojë me kohë të limituar dhe për pak kohë ajo është bërë një objekt tërheqës nga shumë qytetarë” tha Mazniku.
Mazniku tha se rikonstruksioni i piramidës është bërë nga financimi i qeverisë, bashkisë së Tiranës dhe Fondit Amerikan të Zhvillimit dhe në total ka kushtuar 16 miulion euro.
“Projekti është një bashkëfinancim i qeverisë shqiptare, bashkisë së Tiranës dhe Fondit Amerikan të Zhvillimit.
Nëse nuk gaboj projekti ka kushtuar rreth 16 milion euro.
Pjesa interesante është ka funksionuar shumë mirë bashkëpunimi mes palëve” sqaroi nënkryetari.
Më pas Manziku u shpreh se kurset janë hapur prej dy vitesh në një ambient në “Qemal Stafa” ku po trajnohen 1 mijë fëmijë, ndërsa në shtator te Piramida do të jenë 5 mijë fëmijë.
Trajnimin mund ta nisë çdo fëmijë që është mbi 12 vjeç dhe shumica prej tyre përfitojnë burse, por pegasa normale është 3 mijë lekë të reja në muaj.
“Kurset janë të hapura dhe funksionojë prej 2 vitesh. Në “Qemal Stafa” ekziston qendra që trajnon 1 mijë fëmijë çdo muaj. E ndarë në orare. Fëmijët vijnë dhe regjistrohen, çdo fëmijë që është mbi 12 vjec. Pjesa më e madhe e fëmijëve janë me bursa, por pagesa që kanë paguar ka qenë 3 milek të reja në muaj.
Më shumë se 60% e fëmijëve kanë qenë me bursë.
Objektivi është që kur të vijmë te Piramida, rreth 50% e sipërfaqes të jetë për qendrën dhe pjesa tjetër të jetë me qera pikërisht për të subvencionuar trajnimin fëmijët” shtoi Mazniku./m.j
