Reshjet intensive të shiut, mospastrimi i kanaleve kulluese nga bashkia Shkodër, shkrirja e dëborës dhe fryrja e liqeneve, lumenjve dhe përrenjve kanë bërë që sipërfaqja e tokave të prekura nga uji në Shkodër të zgjerohet.
Në zonat rurale, situata vijon që të jetë e njëjta, prej 19 ditësh në Obot dhe fshatra të tjerë të Njësisë Ana e Malit, por edhe zona të tjera janë mbi 3 mijë hektarë tokë të përmbytura dhe 100 banesa të rrethuara nga uji.
Ministria e Mbrojtjes ka dërguar ndihma të mëdha për banorët e prekur.
Forcat e Armatosura janë angazhuar maksimalisht, duke vijuar operacionet në ndihmë të banorëve të Dajçit dhe Obotit, aty ku edhe situata paraqitet më e rënduar.
Ata kanë bërë të mundur transportimin e tyre në zonat ku ka vështirësi lëvizja , si dhe kanë evakuuar me qindra të tjerë të cilët rrezikoheshin nga përmbytjet.
