Rrëshqitjet e dherave të shkaktuara nga shirat e rrëmbyer i kanë kushtuar jetën të paktën 5 personave në jug të Kilit dhe kanë shkatërruar me dhjetëra shtëpi.
15 persona rezultojnë të zhdukur në fshatin e largët të Villa Santa Lucia, që ndodhet në një prej rajoneve më të vizituara nga turistët.
Pamjet e publikuara në mediat ndërkombëtare tregojnë një fshat thuajse të zhdukur. Presidentja e vendit Michelle Bachelet shpalli gjendjen e emergjencës në këtë zonë.
Pjesë të luginës ku shtrihet fshati, rreth 1100 kilometra në jug të kryeqytetit Santiago, u përfshinë nga një sasi e madhe balte që erdhi nga malet që e rrethojnë fshatin Villa Santa Lucia, duke e shkatërruar thuajse tërësisht. Mediat vendase raportojnë se ky rajon është prekur nga shira të rrëmbyer të pazakontë përgjatë 24 orëve të fundit.
Sipas BBC, me dhjetëra persona janë shpëtuar me anë transportit ajror, ndërsa skuadrat e shpëtimit po kërkojnë për të mbijetuar. Villa Santa Lucia ndodhet pranë parkut kombëtar Concorvado, i njohur për vullkanet e pyjet.
a.ç
