Bulevardi “Dëshmorët e Kombit” është përfshirë nga kaosi gjatë orëve të para të mëngjesit pasi dy automjete u përplasën. Skena e aksidentit duket mjaft e rëndë ku një automjet është përmbysur teksa udhëtonte me shpejtësi, por fatmirësisht nuk raportohet për dëme në njerëz.
Sipas policisë, aksidenti ka ndodhur rreth orës 3 të mëngjesit, ku një automjet tip “Golf” është përplasur me një “Fiat”.
Për pasojë, mjeti tip “Fiat” është kthyer përmbys. Fatmirësisht, nga aksidenti nuk ka patur të lënduar. Policia ka nisur menjëherë hetimet për zbardhjen e shkaqeve të tij.
Deri më tani, dyshohet se shkak i aksidentit ka qenë drejtimi i mjeteve në gjendje të dehur./Javanews/a.m
