“Panama Papers Jail” i punuar prej Alex de Stampa nga Franca, është projekti i një burgu të vendosur në anije, që do të lundronte në det dhe do të burgoste protagonistët e “Panama Papers”.
Të burgosurit do të jenë përherë në lundrim dhe arratisja duket mision i pamundur.
Qelitë e të burgosurve do të kenë nga nëntë metra katrorëArkitekti nga Franca, ka menduar që në këtë godinë, të hynin të gjithë pjesëmarrësit në skandalin Panama Papers, protagonistë të një skandali financiar me mashtrime dhe pastrim parash.
Siguri maksimale në burgun sipër anijes
Sipër anijes së gjatë 350 metra, do të ndërtohet struktura e lartë 100 metra, e cila do të mund të mbajë shumë të dënuar.
Ndarja në dy sektorë sipas gjinive të burgosurve
E ndarë në dy sektorë sipas gjinisë, burgu ka pjesën me qeli, secila nga nëntë metra katrorë, si dhe hapësirën për zhvillimin e sporteve. Nuk mungon as pjesa ku do të qëndrojë administrata si dhe ndërtesa që e shfrytëzojnë stafi për fjetje dhe pushim pas turneve.
Burgu ku mund të hynin të përfshirët në skandalin Panama Papers
Megjithëse është vlerësuar si punim i veçantë arkitektonik dhe shumë efikas, është konsideruar më shumë si anije luksoze për pushime se sa burg i të dënuarve.
Më shumë duket si anije luksoze, se sa vend për të dënuar
Një burim i panjohur ka publikuar gjatë vitit të kaluar 11.5 milionë dokumente, apo 2.6 terabajtë me të dhënat e individëve që kishin bërë mashtrime ekonomike. /Java/a.m.
