Barbara Bush, vajza e ish-presidentit të Shteteve të Bashkuara George W. Bush, u martua ditën e dielë në një ceremoni tepër private. 36-vjeçarja lidhi kurorë me skenaristin dhe aktorin Craig Louis Coyne. Dasma kishte vetëm 20 të ftuar dhe u zhvillua në Maine, në kopshtin e pronave të familjes Bush, pranë oqeanit.
Drejt altarit e ka shoqëruar babai, George W.Bush. Ceremonia është zhvilluar në një vend special për familjen Bush. Bregu i Maine nuk është një vend i zgjedhur rastësisht nga çifti.
Gjyshi i Barbara-s, George dhe gjyshja e cila vdiq 6 muaj më parë nga një sëmundje e rëndë, janë fejuar pikërisht në këtë vend. Barbara ishte një nuse e thjesht, plot klas me një fustan saten. Me siguri vajza e madhe e ish-presidentit i është përshtatur me fustanin ceremonisë private që ata kanë zgjedhur të bëjnë.
Çifti është njohur nëntorin e kaluar, kur nga miqtë e përbashkët u organizua një takim “blind date” për ta. U lidhën një muaj më vonë dhe tashmëjanb zyrtarisht tè martuar. Ata kanë pasur shumicën e kohës një lidhje në distancë, por tashmë bashkëshorti i saj është zhvendosur nga Los Angeles në Manhattan për të jetuar me të. /ma.me
