Fakti që ke një makinë të mirë dhe të shtrenjtë në Tiranë nuk do të thotë më që mund të sillesh si të duash në trafik apo të parkosh ku të duash, dhe në fund fare të jesh imun ndaj gjobave. Tashmë ligji ka filuar të veprojë njësojë për të gjithë dhe për Policinë Bashkiake kjo gjë nuk përbënë më dallim.
Kryetari i Bashkisë së Tiranës, Erion Veliaj ka publikuar sot një sërë fotosh, ku preh e masave të gjobave të Policisë Bashkiake kanë qenë edhe makina të markave nga më të shtrenjta. E gjithësesi, çdo e keqe e ka dhe një të mirë pas, ndaj e rëndësishme është që paratë e grumbulluara prej gjobave është e sigurtë që shkojnë për të mirën e qytetit.
“Nga Lambo te Lada Keq kur shkelet ligji, por dhe një farë ‘mirënjohje’ se me paratë e gjobave bëjmë më shumë shkolla e kënde lodrash!”, shkruan Veliaj në rrjetin social facebook ku dhe ka botuar fotot e makinave të ndëshkuara me gjoba.
