Përmes fotove dhe rasteve të mëposhtme, po ju tregojmë se kjo përballje ka qenë thuajse përherë e tensionit të lartë. Kartonët, ndërhyrjet e ashpra, kacafytjet në fushë, deri te gjakosja e lojtarëve, nuk kanë munguar. Si një parathënie edhe për duelet e radhës, në kërkim të finales së madhe të Kievit.
31.03.1976 – Ndeshje gjysmëfinale e Kupës Europiane (sot, Champions). Ishte fillimi i Bayern Munich si një gjigand europian. Me një atmosferë shumë të nxehtë, një tifoz kërceu mbi lëndinën e gjelbër dhe arriti ta kërcënojë drejtpërdrejt, fytyrë më fytyrë, kryesorin austriak, Linemayr. Ai u fut në histori si “i çmenduri” i stadiumit “Bernabeu”.
31.03.1976 – Ndeshje gjysmëfinale e Kupës Europiane. Ishte fillimi i Bayern Munich si një gjigand europian. Roberto Martinez shënoi për 1-0, por më pas Maier hodhi… hundën.
14.04.1976 – Ndeshja e Kupës Europiane, Bayern Munich-Real Madrid. Bavarezët fitonin 2-0 dhe Amancio, në ndeshjen e tij të fundit në Kupën Europiane, u dërgua jashtë, pasi e pa kartonin e dytë të verdhë në minutën e 89-të.
08.05.1980 – Ndeshje miqësore, Bayern Munich-Real Madrid 9-1. Madrilenët pranuan të luanin këtë ndeshje për çështje ekonomike, pas vetëm dy trajnimeve verore, dhe Bayerni i sulmoi keq. Në pushimin mes dy pjesëve të lojës, ata ishin duke humbur… 7-0!
01.09.1981 – Trofeu “Bernabéu”, i vitit 1981. Bayern Munich shpërtheu ftesën e Madridit, duke shkaktuar një turp në gjysmëfinale, kundër Dinamo Tbilisit. Arbitri Pes Perez e përjashtoi Rummenigge për gjeste të turpshme ndaj publikut.
08.04.1987 – Gjysmëfinalja e Kupës Europiane, Bayern Munich-Real Madrid. Albitri Valentine provoi reagimin e nxehtë të të bardhëve, pasi vërshëlleu një penallti inekzistente për Bayernin. Chendo bëri një hyrje të dhunshme ndaj Matthäus, edhe Juanito “hyri” në kokën e gjermanit. Pas duelit, ai kërkoi falje.
25.04.1987 – Real Madrid-Bayern Munich, ndeshja përfundon 1-0. “Bernabeu” ishte territor armiqësor për popullin e Mynihut, deri në pikën që Udo Lattek, trajner i bavarezëve, foli me arbitrin që të mos luhej, nëse tifozët i mbanin objektet goditëse në duar. Augenthaler, pasi u copëtua me Hugo Sánchez, u dëbua nga fusha dhe bëri gjestin e “brirëve” në “Bernabeu”.
03.05.2000 – Ndeshja gjysmëfinale e Ligës së Kampionëve, Raul dhe Kan, takohen në një moment të nxehtë të ndeshjes.
04.10.2002 – Ndeshja e Ligës së Kampionëve, Real Madrid-Bayern Munich. Effenberg u godit nga një çakmak, në qoshe të fushës.
24.02.2004 – Ndeshja e raundit të parë të Ligës së Kampionëve. Roberto Carlos u përgjigj ashpër ndaj një ndërhyrjeje të vështirë nga Demichelis, me një goditje të fortë në fytyrën e tij.
20.02.2007 – Bayern Munich-Real Madrid 3-2. Van Bommel shënoi dhe iu dedikoi “krahun dhe brrylin” tifozëve në “Bernabeu”.
07.03.2007 – Bayern Munich-Real Madrid 2-1. Sergio Ramos shënoi një gol në minutat e fundit, që iu dha kualifikimin të tijve, por u largua nga Mynihu me një thyerje hundore,, pas një kërcimi me kokë.
25.04.2012 – Gjysmëfinalja e Ligës së Kampionëve, Real Madrid-Bayern Munich 2-1. Në goditjen nga pika e bardhë, Sergio Ramos e dështoi penalltinë vendimtare, duke e dërguar topin në “qiell”.
29.02.2000 – Kahn feston me mënyrën e tij provokuese fitoren e Bayern Munich 2-0 në “Bernabeu”, gjatë ndeshjes së fazës së grupeve.
24.02.2004 – Kahn duke “vallëzuar” në ndeshjen e parë të raundit të dytë të Ligës së Kampionëve, në Mynih.
07.03.2007 – Kahn dhe Casillas afër “kacafytjes” gjatë ndeshjes së dytë të 1/8 finale të Champions-it. Bavarezët shkojnë në çerekfinale.
17. 18.04. 2017 – Dëbimi nga fusha i Vidalit me karton të kuq gjatë ndeshjes çerekfinale të kthimit të Ligës së Kampionëve, në “Bernabeu”. Real Madridi shkon në gjysmëfinale./ telesport/ma.me
