“Dilni jashtë”. Këto ishin fjalët që u dëgjuan nga dëshmitarët okularë para se autori i atentatit ndaj ambasadorit rus në Turqi të hapte zjarr. Ai ka qëlluar disa herë në drejtim të Andrey Karlov, duke e lënë të plagosur rëndë diplomatin që humbi jetën pak minuta më vonë në spital.
Karlov po mbante fjalim në një ekspozite fotografike, kur ai u qëllua nga pas.
Televizionin CNN Turk tha se sulmuesi kishte vepruar vetëm.
“Ai tha se unë nuk do të dalë i gjallë nga ky vend”, ka thënë sulmuesi, sipas një dëshmitari okular.
Sipas dëshmive autori i atentatit kishte folur për situatën në Alepo, pasi qëlloi ambasadorin disa herë.
“Kjo është për Aleppon”, citohen dëshmitarët të kenë dëgjuar nga atentatori.
Agjencia e lajmeve Anadolu raporton se atentatori është vrarë nga forcat e sigurisë, pas një përleshje me armë.
