Nikaj- Mërtur është një prej zonave më të pasura dhe të rëndësishme për praninë e gjitarëve të mëdhenj dhe atyre me trup mesatar.
Ariu i murrëm, ujku, derri i egër, kaprolli dhe simboli dhe krenaria e alpeve shqiptare, dhia e egër, janë fotografuar nga kamerat – kurth, të vendosura nga ekspertët e PPNEA-së.
Gjithashtu, janë fotografuar të tjera lloje të rëndësishme për zonën, si: macja e egër, baldosa, zardafi dhe dhelpra.
“Rrëqebulli i Ballkanit, një nënlloj i rrëqebullit euroaziatik, globalisht i rrezikuar në menyrë kritike, për të cilin kemi evidenca për praninë e tij në këtë zonë, nuk arriti të fotografoheshe nga kamerat kurth. Ne shpresojmë shumë se gjatë kontollit të dytë të kamerave, rrëqebulli i Ballkanit do të jetë fotografuar”, shkruan PPNEA.
Monitorimi me kamera kurth po realizohet në kuadër të projektit “Programi për Rimëkëmbjen e Rrëqebullit të Ballkanit” faza 4, finacuar nga fondacioni MAVA
A.Çupaj
