Roma ka fituar derbin kundër Napolit me rezultat minimal 1:0, duke ia mundësuar kështu Juventusit titullin e pestë më radhë të Serie A.
Golin e vetëm dhe të fitores në këtë ndeshje e realizoi mesfushori belg Radja Nainggolan, në minutën e fundit të takimit.
Pas kësaj fitoreje Roma mbetet në vendin e tretë me 71 pikë, dy më pak se sa Napoli.
Juventus tashmë edhe matematikisht është kampion i Italisë për të pestin vit më radhë, pasi kryeson me 85 pikë, 12 më shumë se sa Napoli, kur kanë mbetur edhe tre javë deri në fund të kampionatit.
Ndërkohë lojtarët e Juventusit dhe stafi i skuadrës kanë festuar titullin e 32 në histori të skuadrës, por ata i llogarisin 34 tituj, edhe dy titujt që iu morën në vitin 2006 pas skandalit Calciopoli.
