Lek Preçi dhe dy djemtë e tij Edmondi dhe Altini u arrestuan nga policia italiane për vrasjen e Petrit Nikollit, në Rimini. Mediat italiane publikuan fotot e tyre.
Ata u kapën në Milano të premten, pak orë pasi e kishin qëlluar me një plumb në kokë krushkun e tyre, në një shëtitore të qytetit bregdetar të Riminit.
Vrasjen e ka marrë përsipër babai i dy djemve, por në burg kanë mbetur që të tre. Krimi ka ndodhur nga një konflikt mes Edmondit dhe bashkëshortes së tij, që ishte mbesë e viktimës. Pas konfliktit, Petrit Nikolli niset për në Milano për të marrë mbesën.
E sjell atë në Rimini, pasi mbesa i kishte thënë që Edmondi e keqtrajtonte. Por ky veprim nuk është pritur aspak mirë nga krushqit, të cilët e kanë konsideruar si fyerje dhe cënim të nderit. Të armatosur me një pistoletë ata u nisëm menjëherë për në Rimini, ku e gjetën dhe e qëlluan 45 –vjeçarin.
