Ashtu siç edhe ishte paralajmëruar, është inauguruar parku i lodrave te liqeni artificial, projekt i cili solli përplasje të ashpra politike ku u përfshinë edhe opozita e presidenti i republikës.
Pas hapjes së parkut për fëmijët, në ditën e parë të tij u afruan qindra prindër të cilët shoqëruan fëmijët e tyre.
Po sot, i inaugurua edhe “hyrja e qershive” për te parku.
“Shumë bukur, jam shumë e lumtur për lodrat. Gëzuar 1 qershorin”, – u shpreh një fëmijë që shoqërohej nga nëna e tij.
“Shumë mirë, jam shumë e kënaqur. Bravo. Mbesa ime po kënaqet, për mua kjo ka rëndësi”, tha një gjyshe e cila shoqëronte mbesën e vet në këtë kënd.
Qytetarëve dhe fëmijëve më pas iu është bashkuar edhe vet kryetari i Bashkisë Erion Veliaj.
“Dua të falenderoj ata që kanë punuar për ta bërë realitet këtë projekt, Sot është momenti të jemitë bashkuar., Ndodhi cfarë ndodhi, sot duhet të jemi të abshkuar. Inatet e të rriturve nuk duhet të pengojnë progresin e fëmijëve, projektet që kemi për Tiranën. Për të gjithë ata që donin referendum, ky është referendumi më i mi rë për këndin e lodrave. Garantoj qytetarët se në vijojmë punën. Atë që thahë para 4 muajsh, nuk ka asnjë lokal, dhe nuk ka asnjë pemë të prerë. Mund ti verifikoni me numrat e matrikulimit. Më mirë të bëjmë garë që secili me punë të mundi njëri tjetrin. Më vjen mirë që sot takuam fmailje edhe të majtë edhe të djathtë. Kur bashkia mjell pemë e bën për të majtë e të djathtë. Sherret e politikës ti bëjnë në parlament, por qytetin ta lëmë të bashkuar”, tha Veliaj.
