Gazetari Artan Hoxha pas publikimit të një tjetër pjese nga video seksuale e ish-kreut të bashkisë së Kukësit, Safet Gjici, ka publikuar edhe disa foto në Facebook-un e tij personal.
Në këto foto ai tregon me hapa se çfarë ka ndodhur ditën kur është regjistruar kjo video seksuale, ku gruaja ka shkuar në zyrën e Gjicit, kanë kryer marrëdhënie seksuale, e më pas i ka kërkuar një vend pune dhe realizimin ose financimin e një projekti për qentë.
Hoxha shkruan se gruas në fjalë iu deshën vetëm 13 minuta për të hyrë në bashki e për të kryer marrëdhënie seksuale me kryebashkiakun, për të rregulluar projektin e sterilizimit të qenve të rrugës, për plotësimin e dokumentacionit në zyrën e nënkryetarit, e për të ikur më pas “në hallin e vet”.
