Një grua 39-vjeçare me mjekër ka rritur qime e fytyrës dhe thotë se “nuk është ndjerë kurrë më seksi dhe femër”. Ajo është Rose Geil nga Oregoni, Shtetet e Bashkuara të Amerikës.
“Daily Mail” shkruan se ajo nisi të rruhet që kur ishte 13 vjeçe, pasi vuri ren se kishte shumë qime.
Me kalimin e viteve ajo kuptoi se ishte e kotë pasi nuk mbaheshin nën kontroll. Pas disa viteve Geil u dorëzua dhe vendosi të mos rruhet më.
“Mjekra më ka bërë të kem më shumë besim tek vetja. Ndjehem mirë me mjekrën time. Nuk jam ndjerë kurrë më e bukur”, është shprehur ajo.
Ndërkohë familja e ka mirëkuptuar vendim e saj, edhe pse ka bërë përpjekje që të gjejë një kurë për problemin e saj. Edhe disa partnerë që ka pasur kur ishte në të njëzetat, e kanë mirëkuptuar.
“Ndihem seksi, ndjehem grua dhe sensuale. Më në fund e kam pranuar veten”, ka thënë 39-vjeçarja.
Për sa u përket njerëzve që e shohin në rrugë, ajo është shprehur:
“Më shohin paksa çuditshëm, ka reagime pozitive, negative dhe neutrale. Ka pasur raste ku disa persona më kanë ndaluar, më kanë dhënë dorën dhe më kanë thënë se jam kurajoze dhe inspirim për të tjerët”. /ma.me
