Një grua skoceze i ka mbijetuar një rasti të frikshëm në aeroplan, kur gjeti një piton në këpucën e saj. Moira Boxall u shokua kur zbuloi një zvarranik të gjatë në valixhe pasi udhëtoi nga Queensland për në Glasgow të martën.
Gjarpri kishte hyrë në një këpucë dhe filloi të lëvizte gjatë udhëtimit që zgjati 9 mijë milje. Kur arriti, Moira telefonoi menjëherë organizatën për mbrojtjen e kafshëve, të cilët morën gjarprin.
“Iu përgjigja një telefonate nga një grua që sapo ishte kthyer nga një pushim në Australi, e cila kishte gjetur një gjarpër të vogël brenda këpucës në valixhen e saj. Kur mbërrita, gjarpri ishte kapur nga gruaja, kështu që unë thjesht e hoqa nga prona e saj. Pas ekzaminimit, u zbulua që gjarpri ishte një piton, por jo helmues”, tha oficeri për mbrojtjen e kafshëve, Taylor Johnstone.
Ky incident i frikshëm mund t’ju sjellë në kujtim filmin e famshëm “Gjarpri është në Aeroplan” ku aktori Samuel L.Jackson luan rolin e një agjenti të FBI-së dhe lufton me zvarranikët vdekjeprurës. (Tema)
