Për pak ditë edhe fëmijët e Yzberisht do të kenë këndin e tyre të lojërave, ndërsa më të rriturit një hapësirë ku mund të kalojnë kohën e lirë. Bëhet fjalë për këndin e dytë më të madh në Tiranë pas atij të Liqenit të Tiranës. Bashkia e Tiranës ka mundur që në një kohë fare të shkurtër të sistemojë vendin dhe të montojë modulet e ndryshme të lojërave, ndërsa është duke i dhënë dorën e fundit edhe elementëve të tjerë të këndit.
Këtë e ka bërë të ditur kryetari i Bashkisë së Tiranës, Erion Veliaj në rrjetin social facebook ku dhe ka postuar disa foto të parat nga ky kënd. ai shprehet se ky kënd është një tjetër dëshmi se për Bashkinë e Tiranës fëmijët dhe qytetarët janë njësoj si në qendër ashtu edhe në periferi.
“Ku është kjo? Në bllok? Jo mo shok, është në Yzberisht! Se për ne të Tiranës fëmijët janë të çmuar si në qendër si në periferi. Dhe pak ditë përfundon këndi i lodrave me i madh pas atij të Liqenit! “, shkruan Veliaj./a.m.
