Ilir Meta, si në shumë aspekte të tjera të aktivitetit të tij, edhe në sport ka qenë mjaft kontraversal. Gjatë 5 vjeçarit të Presidencës, Meta u shfaq çuditshëm si një tifoz i zjarrtë i Celtic-ut të Glasgow-ut, çka zgjoi edhe kërshërinë e fansave të zjarrtë të këtij klubi të famshëm skocez.
E sot, kur Ilir Meta ka publikuar mesazhin e fundit si President, në postimet e tij në rrjetet sociale, ka sjellë reagimin e çuditur e të dëshpëruar të tifozëve të Celtic. Një tifoz, i cili i përgjigjet mesazhit në anglisht që Meta jep në twitter, duket që është kapur në suprizë. “Po jep dorëheqjen, del në pension, apo si është puna. Do të mbështesim”, thotë ai. Një tjetër thotë se ka vizituar Shqipërinë gjatë ndeshjes me Skocinë disa vjet më parë dhe thekson se i ka pëlqyer shumë vendi, por e fton Metën që të takohen sa më shpejt.
Kurse një tifoz tjetër i skuadrës me uniform jeshile e inkurajon Metën në këtë ditë jo shumë të gëzueshme për të. “Do të thotë se do të shpenzosh më shumë kohë në Celtic Park zoti President” dhe nuk harron përshëndetjen që Meta e ka për zemër: “Hail, Hail”.
Në bashkëbisedim futet edhe një pjesëtar i një organizate islamike që organizoi forumin e fundit në Azerbaxhan, ku Meta ishte me Berishën dhe e fton të bëhet anëtar me të drejta të plota..
