Marketingu është një “armë” shumë e mirë për të tërhequr klientët dhe sigurisht për të shitur produktin.
Reklama është një pjesë e pandashme në suksesin e kompanisë.
Edhe në periudhën mbretërore në Shqipëri ishin të shumta reklamat që tregtarët kishin realizuar për produktet apo shërbimet që ofronin.
Më poshtë do të shikoni disa foto se si realizohej marketingu në vitet 34-36 dhe çfarë sloganesh përdoreshin.
Sapun: “Kualitet i lartë, erë e këndshme, sapun shumë i mirë me çmim ekonomik dhe gjendet kudo”. Ju kanë hasur sytë më reklama të tilla për sapunë? Nuk besojmë.
Parukeri: “Nëse doni që t’i kini të bukura flokët, jua siguron J.Gorishti. Dallgët dhe buklat natyrale jepen me anë të shpikjes shkencore më të re që është permanenteja UNIC”.
Makarona: “Fabrika e makaronave Tahir Beshiri i konkurron pa fjalë makaronat e huaja”.
Shtëpi shërimi: “Me pamje të bukur nga ana e detit, ky pallat ka sallane të së parës së dytës dhe së tretës klasë për të sëmurët dhe për çdo lloj sëmundjesh”.
Peshk: “Peshku, ushqim për trup dhe ushqim për tru”. (TemA)
