I pranishëm në një takim të hapur me qytetarët e Durrës, kreu i PD-së, Lulëzim Basha u shpreh se anembanë vendit, sipas tij po fry era e ndryshimit. Ai e akuzoi Edi Ramën si hajdutin më të madh të historisë së Shqipërisë, ndërsa tha se kryeminsitri ka vjedhur 100 mijë euro në orë.
“Anembanë Shqipërisë po frynë era e shpresës për një ndryshim të madh për çdo familje shqiptare, të Durrësit e Tiranës, Korçës e Gjirokastrës, nga Tropoja në Sarandë shqiptarët janë zgjuar, janë ngritur për të mos u ulur deri sa në Shqipëri të kemi një demokraci të vërtetë. Sa herë që një regjimi i vjen fundi, sa herë që autokratëve të korruptuar u vjen fundi, përsërisin të njëjtën shfaqje të shëmtuar. Shfaqjen e shëmtuar këtu në Durrës përsëriti edhe njeri që për 6 vite është përgjegjës për emigracionin, ky hajduti u kap duke vjedhur votën e shqiptarëve.
Njeriu që ka hequr nga sofrat e shqiptarëve bukën e fëmijëve, duke larguar mijëra prindër nga puna, duke rritur kostet e jetësës duke e bërë atë të pa bërballueshme. Biseda e parë që qytetarët hapin janë hallet që i kanë zënë fytin. varfëria shtynë njerëzit të largohen sepse fitojnë më shumë si pastrues në gjermani se sa si pronarë të një biznesi të vogël në Shqipëri. Ky ëhstë turi i Edi Ramës, por nuk ndalet, vijon ët rrisë taksat. 40% e rriti çmimin e ujit në Durrës, ku i çoi këto para? Lekët e krimit me të cilat bleu votat.
Ky është parlamenti i krimit i cili mori fund. Papunësi e varfëri kudo që hedhim sytë, shtohet varfëria, ku shkojnë miliardat e eurove të taksave të rritura? Klouni që erdhi dje këtu para jush, nuk ishte kloun, ai është hajduti më i madh në historinë e Shqipërisë që fshihet pas shakave bajate. Vetëm sipas të dhënva zyrtare, në vetëm dy vite Edi Ram,am ka kollufitur 2 miliard euro nga taksat e shqiptarëve. Ka vjedhur 100 mijë euro në orë, është tarifa e estradës së Edi Ramës. Largimi i tij është emergjencë kombëtare”, tha Basha.
