Nje biznesmen vlonjat dhe ndihmesi i tij humbin kontaktet 4 ditë pasi kishin dalë në det për të provuar një skaf. Bëhet fjalë për dy banorë të Vlorës, Adriano Jaho, 52 vjec, biznesmen dhe pronari i nje hoteli në Vlorë dhe ndihmesi i tij Ariseld Maze 28. Ata jane zhdukur ne Durres në daten 4 korrik, nderkohe qe kishin dale ne det qe ne oren 3 te mengjesit te asaj dite.
Ata kane dale te provonin mjetin pasi ishte riparuar ne nje servis ne Durres. Te dy ishin te apasionuar pas peshkimit dhe njohes te mire te detit. Mesohet se mjeti i zhdukur eshte motoskaf me nje gjatesi 8 metra e 20 me dy motorra 250 Merkuri, me dokumentacion te rregullt.
Biznesmeni SMS mikut: Me sill nje karrel, mjeti po fut uje
Personi i fundit qe ka folur me biznesmenin është nje miku e tij i cili ka marrë mesazh nga Adriano jaho para se ata të humbnin kontaktet. “Hajde me sill karrel se mjeti po merr uje”, ishte mesazhi i fundit.
Vlorë, Policia: Më datë 05.07.2017, në Komisariatin e Policisë Vlorë, janë paraqitur familjarët e dy shtetasve të mëposhtëm:
A.J., 52 vjeç, banues në Vlorë.
A.M., 28 vjeç, banues në Vlorë.
Sipas kallëzimit të bërë nga familjarët e tyre, ata kanë deklaruar se këta dy shtetas janë larguar nga Vlora më datë 03.07.2017, rreth orës 10:30, në drejtim të qytetit të Durrësit me qëllim për të marrë një mjet lundrues detar tip Skaf, të cilin e kanë patur të ankoruar në Durres dhe që prej asaj dite nuk janë kthyer më në banesë (Vlorë).
Policia ka bërë shpalljen në kërkim të tyre si persona të humbur dhe po punohet për gjetjen e tyre.
