Ditën e sotme protestuesit e thirrur nga opozita në tubim i vendosën flakën hyrjes së Kryeministrisë disa herë, ndërsa shkatërruan edhe instalacionet, mes tyre “Kërpudha Gjigante me Tri Pjesë”, e vendosur në kopshtin e selisë së qeverisë, që ishte një vepër arti, dhuruar nga autori Carsten Höller. Kryeministri Edi Rama reagoi dy herë për shkatërrimin e Kërpudhës. Fillimisht kreu i qeverisë i kërkoi ndjesë artistit që i dhuroi veprën Kryeministrisë, por që sot u shkatërrua.
“KEPURDHA – Vepër e Carsten Holler, dhuruar Kryeministrisë pas një vizite të tij në vendin tonë, pas së cilës artisti i famshëm bashkëkohor është kthyer në një ambasador të Shqipërisë e të shqiptarëve! Ndjesë Carsten, kjo nuk është Shqipëria dhe shqiptarët nuk janë këta” thotë Rama.
Ndërsa në përfundim të protestës, Rama publikoi në rrjetet sociale një foto krahasuese si ka qenë instalacioni para tubimit të dhunshëm dhe si u bë pas shkatërrimit, ndërsa e shoqëron edhe me një status. “ZGJEDHJA ESHTE E QARTE: Mund e durim për Shqipërinë që duam apo rrumpallë e rrënim për Shqipërinë që kishim’ thotë ai.
“Kërpudha Gjigante me Tri Pjesë”, e vendosur në kopshtin e Kryeministrisë ishte një vepër arti, dhuruar popullit shqiptar, nga autori Carsten Höller. Autori i veprës është artisti i njohur i artit bashkëkohor Carsten Höller, i cili ka qenë i pranishëm në sezonin e parë të COD. Kërpudha Gjigante me Tri Pjesë ishte si një kolazh tridimensional i përbërë nga tri kërpudha më të vogla: njëra nga gjysmat është në formën e qeleposhes së kuqe (haluçinogjene), gjysma tjetër përbëhet secila nga një çerek kërpudhe boshe kortinarius orelanike(helmuese) dhe një koral në formën e havanit (kërpudhë që mund të hahet). Kjo vepër i referohet mundësisë për ekzistencën e një kulture alternative ekzistuese apo të krijuar rishtazi, e cila arrin të përcjellë mundësi apo ndarje të pafundme.
Fotot e publikuara nga kryeministri Edi Rama si ishte dhe si u be Kerpudha
/a.meta
