Bjeshkët që do të mund t’i humb Kosova në rast të votimit të marrëveshjes për shënjimin e vijës kufitare mes Kosovës dhe Malit të Zi, kanë alarmuar prej kohësh ambientalistët dhe grupet e shoqërive civile.
Grupi Hiking Njeri Kosova ka postuar disa foto, dhe thotë se Kosova po humbet këto mrekulli.
Fotot e tyre po qarkullojnë rrjetet sociale.
“Hiking Njeri është organizatë që merret më së shumti me promovimin e bukurive natyrore të Kosovës. Për neve këto bjeshkë kanë rëndësi jetike. Ne nuk jemi ekspertë të kufijve por sipas shumë informatave që ne marrim nonstop gjithandej bjeshkëve, këto pjesë kanë qenë gjithmonë të Kosovës. Këtë na kanë kumtuar gjithmonë shumica e fshatarëve nga bjeshkët kufitare të Malit të Zi dhe Kosovës”, thuhet në një postim të fundit në faqen ‘Hiking Njeri Kosova’.
“Në atë tokë nuk ka asnjë banor të vetëm nga Mali i Zi”, shkruajnë ata./a.m.
