Arrestimi i Dragos Savulescu në Greqi më 10 Gusht pas fotos së publikuar në Instagram nga bashkëshortja e tij Angela Martini bëri bujë jo vetëm në mediat rumune.
Savulescu së fundmi ka lënë vilën e tij luksoze në Mykonos me kosto 85,000 Euro dhe është zhvendosur në një tjetër vilë më të lirë dhe më të vogël.
Dragos Savulescu, bashkëshorti i modeles së njohur shqiptare Angela Martini është lënë i lirë nga autoritetet greke pak ditë më parë, por me kushtin që të mos largohet nga ishulli Mykonos derisa gjykata të vendosë për ekstradimin ose jo të tij në Rumani.
Ai është dënuar me 5 vite e gjysmë burg në Rumani për përfshirjen në një skandal përvetësimi të një shume prej 114 milionë Eurosh nga shteti rumun.
Prej vitit 2019, ai ndodhet në arrati dhe jeton shumicën e kohës në Itali.
Mediat greke shkruajnë se çifti shpenzonte shuma marramendëse në restorante luksoze e jahte. Policia greke e arrestoi pikërisht gjatë një lundrimi me jaht, ku ai bëri edhe rezistencë.
Veç bizneseve të shumta në pronësi, Suvalesku është edhe aktor dhe producent filmash.
Ai ka rinovuar kontratën e qirasë së vilës me nëntë dhoma gjumi deri më 30 shtator derisa të përfundojë proceset gjyqësore.
Megjithatë jetesa e tij luksoze në vëmendjen e të gjithë mediave dhe autoriteteve e ka detyruar që të rishikojë kontratën dhe të zhvendoset në një vilë më të vogël dhe më të lirë.
