Policia vijon me masat për parandalimin e aksidenteve rrugore.
Mbrëmjen e djeshme, Policia rrugore e Tiranës ka zhvilluar një aksion për të parandaluar raste të aksidenteve, prej shpejtësisë së lartë dhe shkeljes së normave të tjera të qarkullimit rrugor.
Zëdhënësi i policisë Gentian Mullaj zbulon përmes disa fotove pjesë nga ky aksion, ku u kapën shoferë të “çmendur” që ecin në autostradë me 202 km në orë.
“Me Policine Rrugore te Tiranes me Radar ne autostraden Durres- Tirane, Shpejtesi pertej çdo limiti. Fotot flasin vete. Drejtues mjetesh qe nuk ju dhimbset as jeta e tyre, as e familjareve qe kishin me vete, pale e perdorueseve te tjere te rruges. Jeta eshte e shtrenjte, mbrojeni duke respektuar rregullat e qarkullimit rrugor”, shkruan zëdhënësi i policisë./a.m.
