Para Gjykatës së Posaçme kundër Korrupsionit dhe Krimit të Organizuar (GJKKO), një qytetar që kishte dalë në mbështetje të kryebashkiakut Erion Veliaj mbante në duar një pankartë me imazhin e shkollës “Servete Maçi”, një nga institucionet arsimore të ndërtuara nga Veliaj.
Gjatë dy mandateve të Veliajt në krye të Bashkisë së Tiranës, janë ndërtuar 45 shkolla të reja, duke modernizuar infrastrukturën arsimore të kryeqytetit, ndërsa dhjetë të tjera janë ende në proces ndërtimi.
Ndërhyrjet në arsim kanë qenë një prej investimeve kryesore të kësaj administrate, duke synuar lehtësimin e mbingarkesës në klasa dhe përmirësimin e kushteve për nxënësit dhe mësuesit.
